Previa control 5000 m. 02/02/2012

Este sábado día 2 de febreiro dispútase o segundo control de 5000 metros no encoro de Verducido (Pontevedra).

O club de piragüismo Ribeiras do Tambre desprázase este sábado día 2 ao encoro de Verducido en Pontevedra para participar no segundo e último control de 5000 m. da temporada. A proba servirá como preparación de cara a disputa do Campionato Galego de Inverno sobre 5000 m. que se disputará o próximo 23 de febreiro e o Campionato de España de Inverno sobre 5000 m. que se celebrará no mes de marzo.

Na proba, participarán Carlos Balsa (home cadete k-1), Andrea Tomé (dama cadete k-1) e Irene Mirás (dama cadete k-1). Neste test poderemos ver cal é o estado de forma dos nosos palistas de cara aos campionatos (galego e nacional) que se aveciñan nos próximos dous meses.

As instalacións do club inundadas

O temporal que atravesou Galicia na semana pasada deixo a praia fluvial de Tapia baixo a auga.

A cicloxénese que sufriu a comunidade galega a semana pasada inundou a praia fluvial de Tapia. A consecuencia disto, o club tivo que suspender os adestramentos previstos para o sábado 19 e o domingo 20 debido a imposibilidade de acceder as instalacións. Por sorte, as augas do río Tambre non chegaron a entrar nas instalacións e non tivemos que lamentar ningún dano material.

Cada inverno, o río Tambre ao seu paso por Tapia, aumenta  seu nivel de xeito importante, imposibilitando a práctica do piragüismo. O club ten así que se desplazar con todo o seu material e deportistas ata Pontecesures ou, no mellor dos casos, ao encoro de Barrié de la Maza no Concello de Brión para poder levar a cabo os adestramentos programados.

Foto do xornal compostelán «El Correo Gallego».

Calendario provisional 2013

A Federación Galega de Piragüismo acabar de publicar o calendario provisional de regatas para este ano 2013.

A falta de coñecer o calendario oficial nacional, a FGP ven de publicar un calendario provisional coas probas que se disputarán ao longo da temporada 2013. Así pois, os primeiros en saír a escena serán os infantís coa súa Liga Galega de Promoción, que dará comezo o próximo 9 de febreiro e rematará co Campionato Galego o 20 de xullo. A Copa Galega de Pista (para cadetes, xevenís e seniors) terá a súa primeira cita o vindeiro 23 de febreiro, coa disputa do Campionato Galego de Inverno, proba que se celebrará no encoro de Verducido (Pontevedra).

No mes de abril, está previsto que comece a Liga Galega de Ríos e Travesías coa disputa o día 28 do Campionato Galego de Maratón. Por último, os máis pequenos (alevíns e benxamíns) comezaran a temporada de xeito oficial o 18 de maio, e se prolongará ata o 7 de setembro.

Consulta o calendario provisional premendo aquí.